Next
पुणे केंद्रातून ‘आकार’ प्रथम
BOI
Friday, December 01 | 12:56 PM
15 0 0
Share this story

मुंबई : ५७व्या महाराष्ट्र राज्य हौशी मराठी नाट्य स्पर्धेत पुणे केंद्रातून आगम संस्थेच्या ‘आकार’ नाटकाला प्रथम, तर पुण्याच्याच नाट्यमंडळ संस्थेच्या ‘कुलकर्णी आणि कंपनी’ या नाटकाला द्वितीय पारितोषिक जाहीर झाल्याची घोषणा सांस्कृतिक कार्य संचालनालयाने केली आहे. या दोन्ही नाटकांची अंतिम फेरीसाठी निवड करण्यात आली आहे.

पुणे येथील रंगशीला संस्थेच्या ‘पन्नासपैकी सत्तेचाळीस फक्त’ या नाटकाला तृतीय पारितोषिक मिळाले. स्पर्धेतील उर्वरित निकाल असे : दिग्दर्शन- प्रियांका चांदेरे (प्रथम, नाटक- आकार), संतोष माकुडे (द्वितीय, पन्नासपैकी सत्तेचाळीस फक्त). प्रकाशयोजना- वैभव नवसकर (प्रथम, आकार), सुबोध राजगुरू (द्वितीय, मुंबई मान्सून). नेपथ्य- अश्विनी करंदीकर (पथम, आकार), अजिंक्य गोखले (द्वितीय, कुलकर्णी अँड कंपनी). रंगभूषा- वृषाली वडनेरकर (प्रथम, शामपट), नरेंद्र वीर (द्वितीय, येरा गबाळ्याचे काम नोहे).

जयदीप मुजुमदार (मुंबई मान्सून) व जान्हवी देशपांडे (आया सावन झूम के) यांना उत्कृष्ट अभिनयासाठी रौप्यपदक जाहीर झाले. उन्नती कांबळे (येरा गबाळ्याचे काम नोहे), रश्मी देव (शामपट), मुक्ता लेले (मुंबई मान्सून), श्रेया गोफणे (आती रहेंगी बहारे), अभिजित केळकर (आकार), आशिष कुलकर्णी (शामपट), संकेत जोशी (कुलकर्णी अँड कंपनी), चिन्मय संत (पन्नासपैकी सत्तेचाळीस फक्त) यांना अभिनयासाठी गुणवत्ता प्रमाणपत्रे देण्यात येणार आहेत.

येथील भरत नाट्य संशोधन मंदिरात ६ ते २३ नोव्हेंबर या कालावधीत उत्साहात झालेल्या या स्पर्धेत एकूण १८ नाट्यप्रयोग सादर करण्यात आले. विष्णू पुरीकर, राजेंद्र जोशी, मालती भोंडे यांनी परीक्षक म्हणून काम पहिले. सांस्कृतिक कार्य मंत्री विनोद तावडे यांनी सर्व पुरस्कार विजेत्यांचे अभिनंदन केले आहे.
 
15 0 0
Share this story

Post Your Comment
मराठी English
Your Name *
Email
  Notify me once my comment is published
Comment *
Content limited to 1000 characters,1000 characters remaining.

Select Language
Share Link