Next
‘ज्यू वारशाच्या वास्तुरचना’ विषयावर सायन्स गप्पा
BOI
Wednesday, December 06 | 02:46 PM
15 0 0
Share this story

डॉ. पुष्कराज सोहोनी पुणे : मराठी विज्ञान परिषद, पुणे विभाग, इंडियन इन्स्टिट्यूट ऑफ सायन्टिफिक अँड एज्युकेशनल रिसर्च (आयसर) आणि गरवारे महाविद्यालय यांच्या संयुक्त विद्यमाने आयोजित ‘सायन्स गप्पा’ या कार्यक्रमात आयसर येथील शास्त्रज्ञ डॉ. पुष्कर सोहोनी यांच्याशी संवाद साधण्याची संधी विज्ञानप्रेमींना उपलब्ध झाली आहे. 

८ डिसेंबर रोजी सायंकाळी सव्वासहा वाजता  नवी पेठ येथील ‘एस. एम. जोशी सोशलिस्ट फाउंडेशन’च्या सभागृहात हा गप्पांचा कार्यक्रम रंगणार आहे. डॉ. सोहोनी मुंबई, पुणे आणि कोकणातील ‘ज्यू वारशाच्या वास्तूरचना’ या विषयावर गप्पा मारणार आहेत. ज्यूंच्या पुरातन इमारती, विशेषत: मुंबई, पुणे आणि उत्तर कोकणामधील अनेक गावांमध्ये ऐतिहासिक इमारती, स्मारके आणि बांधकामाच्या जागा, सिनेगॉग, स्मशाने, इस्पितळे, शाळा, ग्रंथालये, वखारी, ज्यू उद्योगपतींच्या कापड गिरण्या, पुतळे आणि अन्य नागरी सुविधा यावर ज्यूईश वास्तूरचनेचा प्रभाव दिसून येतो. या वास्तूरचनांमधील विशेषता आणि ज्यू वास्तूरचनेतील समृद्ध परंपरा डॉ. सोहोनी सांगणार आहेत.

डॉ. पुष्कर सोहोनी यांनी अमेरिकेतील फिलाडेल्फिया येथील पेनसिल्वानिया विद्यापीठातून हिस्टरी ऑफ आर्टस् या विषयात डॉक्टरेट संपादन केली आहे. सध्या ते आयसर, पुणे येथे सहाय्यक प्राध्यापक म्हणून कार्यरत आहेत व ऐतिहासिक वास्तुरचना याविषयी संशोधन करत आहेत. हा कार्यक्रम सर्वांसाठी विनामूल्य खुला आहे. तरी अधिकाधिक विद्यार्थी, नागरिक यांनी यात सहभागी व्हावे, असे आवाहन मराठी विज्ञान परिषदेच्या कार्यवाह नीता शहा यांनी केले आहे.

कार्यक्रमाविषयी :
दिनांक : शुक्रवार, आठ डिसेंबर २०१७
वेळ : सायंकाळी सव्वासहा
ठिकाण : एस. एम. जोशी फाउंडेशन हॉल, नवी पेठ, पुणे
 
15 0 0
Share this story

Post Your Comment
मराठी English
Your Name *
Email
  Notify me once my comment is published
Comment *
Content limited to 1000 characters,1000 characters remaining.

Select Language
Share Link