Next
सत्यजित
BOI
Thursday, July 11, 2019 | 10:52 AM
15 0 0
Share this article:

वैद्यकीय व्यवसाय आणि अध्यात्म यांची सांगड घालून डॉ. सुप्रिया भाटकर यांनी ‘सत्यजित’ ही कादंबरी वाचकांसमोर सादर केली आहे. डॉ. सत्यजित बल्लाळ एक हुशार सर्जन. इंटर्न विद्यार्थ्यांना त्याच्या मार्गदर्शनाखाली शिकण्याची संधी मिळणे हे भाग्य होते. नेत्राला ही संधी मिळाली. तिला तो आवडत होता; पण हे त्याला सांगण्याची हिंमत होत नव्हती. अखेरीस तिचे प्रेम त्याच्यापर्यंत पोहोचते आणि त्यांचा विवाह होतो. डॉ. सत्यजित आणि नेत्रा यांची प्रेमकहाणी यात असली, तरी त्याला अध्यात्माची साथ आहे. सत्या डॉक्टर असला, तरी गुरुमाऊलींचा भक्त होता. ही गोष्ट नेत्राला माहीत नव्हती. नेत्रासुद्धा शंकर महाराजांच्या मठात दर्शनासाठी जात असे. तिचीही गुरुमाऊलींवर भक्ती होती. आयुष्यातील प्रत्येक गोष्ट त्यांच्याच आशीर्वादाने घडत असल्याचा तिचा ठाम विश्वास होता. एकदा योगीपुरुषाच्या रूपात तिला सत्यजित दिसतो. बरोबर गुरुमाऊलींचेही दर्शन होते. सत्यजितच्या अनोख्या रूपाची आणि त्यांच्या प्रेमाची गोष्ट ती लिहिते. कालांतराने त्या दोघांची मुलगी रेवा ती पुस्तक रूपाने प्रसिद्ध करते.

पुस्तक : सत्यजित
लेखिका : डॉ. सुप्रिया भाटकर
प्रकाशक : विश्वकर्मा प्रकाशन
पृष्ठे : २००
मूल्य : २६० रुपये

(‘सत्यजित’ ही कादंबरी बुकगंगा डॉट कॉमवरून थेट घरपोच मागविण्यासाठी खालील लिंकवर क्लिक करा.)

 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search