Next
‘भाजपचे डावखरे विजयी होतील’
प्रेस रिलीज
Friday, May 25, 2018 | 11:07 AM
15 0 0
Share this article:



मुंबई : ‘विधान परिषदेच्या कोकण पदवीधर मतदारसंघात भारतीय जनता पक्षातर्फे उमेदवारीसाठी निरंजन डावखरे यांची केंद्रीय नेतृत्वाकडे शिफारस केली असून, ते निवडणुकीत निश्चित विजयी होतील,’ असा विश्वास मुख्यमंत्री देवेंद्र फडणवीस यांनी गुरुवारी (ता. २४) व्यक्त केला, तर ‘निरंजन डावखरे यांच्या विजयामुळे कोकणात भाजपला बळकटी मिळेल’, असे प्रदेशाध्यक्ष खासदार रावसाहेब पाटील-दानवे यांनी सांगितले.

आमदार डावखरे यांनी भाजपमध्ये प्रवेश केला. खासदार दानवे यांनी मुख्यमंत्र्यांच्या उपस्थितीत त्यांचे स्वागत केले. भाजप प्रदेश कार्यालयात झालेल्या या कार्यक्रमास राज्याचे महसूलमंत्री चंद्रकांत पाटील, भाजप प्रदेश उपाध्यक्ष डॉ. भागवत कराड आणि आमदार प्रसाद लाड, भाजप ठाणे विभाग अध्यक्ष खासदार कपिल पाटील, प्रदेश प्रवक्ते केशव उपाध्ये व अतुल शाह, आमदार अतुल सावे, जगदीश मुळीक उपस्थित होते. या वेळी अकोल्याचे नगरसेवक गोपी महादेवराव ठाकरे यांनीही भाजपमध्ये प्रवेश केला.

फडणवीस म्हणाले, ‘निरंजन डावखरे यांचे वडील वसंत डावखरे लोकप्रिय व अजातशत्रू नेते होते. त्यांनी तीन दशके काम केले. तीच परंपरा निरंजन डावखरे चालवत असून, ठाणे–कोकण भागातील ते धडाडीचे नेते आहेत. गेली सहा वर्षे विधान परिषद सदस्य म्हणून त्यांनी उत्तम कामगिरी केली आहे. कोकण पदवीधर मतदारसंघासाठी भाजपचे उमेदवार म्हणून त्यांच्या नावाची शिफारस केंद्रीय नेतृत्वाकडे करू. केंद्रीय समितीकडून त्यांच्या नावाला मान्यता मिळेल व आगामी निवडणुकीत ते चांगल्या मतांनी निवडून येतील.’

दानवे म्हणाले, ‘निरंजन डावखरे यांना भाजपमध्ये प्रवेश देण्यात आला आहे. पंतप्रधान नरेंद्र मोदी यांच्या विकासकामांमुळे त्यांच्या नेतृत्वावर विश्वास ठेऊन भाजपमध्ये प्रवेश करण्याची त्यांची इच्छा होती. भाजप एकामागोमाग निवडणुका जिंकत आहे. विधान परिषदेच्या कोकण पदवीधर मतदारसंघातही निरंजन डावखरे यांच्या उमेदवारीने भाजपचा विजय निश्चित असून, त्यामुळे कोकणात भाजप अधिक बळकट होईल.’

डावखरे म्हणाले, ‘पंतप्रधान नरेंद्र मोदी यांच्या नेतृत्वाखाली देशात विकासाचे काम चालू आहे. त्यांच्या नेतृत्वावर विश्वास ठेऊन तसेच मुख्यमंत्री देवेंद्र फडणवीस यांच्या नेतृत्वावर विश्वास ठेऊन आपण भाजपमध्ये प्रवेश करत आहे.’
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search