Next
ईव्हीएम, व्हीहीपॅट मशिनचे ‘हुजपा’मध्ये प्रात्यक्षिक
नागेश शिंदे
Friday, January 11, 2019 | 05:07 PM
15 0 0
Share this story



हिमायतनगर :
शहरातील हुतात्मा जयवंतराव पाटील महाविद्यालयाचा राज्यशास्त्र विभाग आणि हिमायतनगर तहसील कार्यालयाच्या संयुक्त विद्यमाने ११ जानेवारी २०१९ रोजी इलेक्ट्रॉनिक मतदान यंत्राचे (ईव्हीएम) प्रात्यक्षिक दाखविण्यात आले. केलेल्या मतदानाची पावती दाखविणाऱ्या व्हीव्हीपॅट मशीनचेही प्रात्यक्षिक या वेळी दाखविण्यात आले.

हुतात्मा जयवंतराव पाटील महाविद्यालयाच्या प्रांगणात हा प्रात्यक्षिकाचा कार्यक्रम आयोजित करण्यात आला होता. प्रात्यक्षिक पथकाचे प्रमुख म्हणून आलेले हिमायतनगरचे नायब तहसीलदार व्ही. पी. राठोड यांनी या दोन्ही यंत्रांसंदर्भात विद्यार्थ्यांना सविस्तर मार्गदर्शन केले आणि त्यांना प्रात्यक्षिक दाखविण्यात आले. ही प्रात्यक्षिक कार्यशाळा आयोजित करण्यासाठी मंडळ अधिकारी श्री. कंधारे, तलाठी रूपेश जाधव, मास्टर ट्रेनर व्ही. एन. पाटील यांच्यासह कर्मचाऱ्यांनी परिश्रम घेतले. 

हुतात्मा जयवंतराव पाटील महाविद्यालयातील राज्यशास्त्र विभागप्रमुख प्रा. डॉ. एल. बी. डोंगरे, डॉ. डी. के. कदम, डॉ. वसंत कदम, प्रा. एम. पी. गुंडाळे, प्रा. महेश वाखरडकर, डॉ. माने, श्री. कोलेवाड, श्री. देशपांडे, श्री. नगारे, श्री. चंदापुरे यांच्यासह विद्यार्थी- विद्यार्थिनी या वेळी उपस्थित होते.
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link