Next
मराठी चित्रपट ‘टल्ली’चा मुहूर्त उत्साहात
प्रेस रिलीज
Wednesday, January 09, 2019 | 11:56 AM
15 0 0
Share this story



मुंबई : झेब्रा एंटरटेन्मेंट या निर्मिती संस्थेच्या ‘टल्ली’ या आगामी मराठी चित्रपटाचा मुहूर्त चित्रपट महामंडळाचे अध्यक्ष मेघराज राजेभोसले व अभिनेते सुशांत शेलार यांच्या उपस्थितीत नुकताच पार पडला.

या प्रसंगी चित्रपट निर्माते एम. के. धुमाळ, सतीश फुगे, दिग्दर्शक रामकुमार शेडगे, अभिनेते प्रशांत तपस्वी, अनिल नगरकर, किरण रोंगे, विष्णू घोरपडे, राजेश कोरे, एस. के. पाटील, योगेश कोळी, शिवा भाऊ पासलकर, रवींद्र बेंडभर या चित्रपटसृष्टीतील मान्यवरांनी आवर्जून हजेरी लावली होती. यामध्ये नामांकित कलाकार, तंत्रज्ञ, दिग्दर्शक, निर्मातेही सहभागी झाले होते.



संजय गोळपकर हे या चित्रपटाचे निर्माते असून, या अगोदर त्यांनी ‘चल चले’ या हिंदी, तर ‘बेधुंद’ या मराठी चित्रपटाची, तसेच ‘उतरंड’ या आंतरराष्ट्रीय पुरस्कार विजेत्या लघुपटाची निर्मिती केली आहे. गोळपकर हे यशस्वी उद्योजक असून, संगीत आणि चित्रपटांची त्यांना आवड आहे. या चित्रपटाची निर्मिती चांगल्या पद्धतीने होईल, असा विश्वास गोळपकर यांनी पत्रकार परिषदेत व्यक्त केला.

या चित्रपटाचे लेखन, दिग्दर्शन आणि संगीताची धुरा गणेश-सुरेश ही तरुण जोडी सांभाळणार असून, या अगोदर या जोडीने ‘उतरंड’ या लघुपटाद्वारे नावलौकीक मिळवला आहे. या लघुपटाला अनेक आंतरराष्ट्रीय महोत्सवात पुरस्कारांनी गौरवण्यात आले आहे. गणेश-सुरेश यांचा हा दिग्दर्शनाचा पहिला चित्रपट आहे. ‘मराठीतील नावाजलेले कलाकार या चित्रपटात काम करणार असून, लवकरच कलाकारांची नावे आम्ही जाहीर करून या चित्रपटाचे चित्रीकरण सुरू होणार आहे,’ असे गणेश-सुरेश यांनी या वेळी सांगितले.
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link